Azərbaycan Milli Ordusu son iki gündə 13 şəhid verib. Bu gün Müdafiə Nazirliyinin məlumatına görə, Silahlı Qüvvələrimizin bölmələri cəbhədə daha 4 itki verib.
Bütün bunlara baxmayaraq, dünən Azərbaycanın televiziya məkanı şıdırğı konsertindən qalmadı. Bu günsə SPACE kanalında "Hər səhər" əyləncəli veriliş efirə gedib. Proqramda xalq artisti, kamança ifaçısı Abbasqulu Nəcəfzadənin ad günü qeyd olunub. Xalq artisti Teymur əmi, əməkdar artist Gülbahar Şükürlü, müğəni Səyyad Əlizadə, Ruhəngiz Musəvi və başqaları mahnılar ifa edərək səbəbkara ad günü təbriklərini çatdırıblar.
Bu kanallara baxanda düşünürsən, İlahi, görəsən bu televiziya kanallarının rəhbərliyi hara baxır? Cavabı əllərini vicdanlarına qoyub versinlər...