“Proqram bizlik deyil, bizim işimiz aparıcılıq etməkdir”
Simsar.az xəbər verir ki, bu sözləri Xəzər TV-də efirə gedən “Hər şey daxil” televiziya proqramının aparıcıları Sevil və Sevinc bacılarının prodüseri Nigar xanım bildirib. Sosial şəbəkələrdə televiziya kanallarının ordumuzun şəhidlər verdiyi bir gündə “çalıb-oynamasını” qınaq obyektinə çevrilməsinə münasibət bildirən prodüser bunu düzgün hesab etmir: “Bizə məlumat verilişin sonlarına yaxın gəldi. Biz proqramı yarımçıq qoya bilməzdik. Əvvəldən bu məlumat bizdə olsaydı, efirə çıxmazdıq. Sevil və Sevinc aparıcıdır. Onların işi verilişi aparmaqdır. Proqramlaşdırma işinə telekanal baxır”. Əməkdaşımızın “məlumat gəldikdən sonra canlı efirdə həmin xəbərlə bağlı hər hansısa bir fikir səslənə bilməzdimi?”, - sualına prodüser belə cavab verib: “Bizə xəbər gələndən sonra reklam fasiləsi olmadı. Nəticədə, aparıcıları xəbərdar edə bilmədik”.
Görünür, aparıcıların qulaqlıqları işləməyib...
Simsar.az