Son illər dünyanı bürüyən maliyyə böhranı yoxsulların sayının artmasına səbəb olub. Simsar.az xəbər verir ki, hazırda planetimizdə 2,5 milyard insan yoxsulluq şəraitində yaşayır.
Bu fakt Birləşmiş Millətlər Təşkilatının Ərzaq Proqramının 2014-cü ilə dair hesabatında öz əksini tapıb.
Hesabatda bildirilir ki, dünyanın 91 ölkəsində 1,5 milyard insan yoxsulluq şəraitində, 800 milyon isə yoxsulluğun astanasında yaşamağa məcbur olub. Bəzi ölkələrdə insanların gündəlik xərci 1,25 dollar təşkil edir.
Afrika qitəsində daha acınacaqlı vəziyyət yaranıb. Qitənin əksər dövlətlərində əhalinin əksəriyyətinin günlərlə qidalanmadığı bildirilir.
Birləşmiş Millətlər Təşkilatı əgər tezliklə ərzaq böhranına qarşı tədbir görülməyəcəyi təqdirdə dünyanı aclıq təhlükəsi bürüyəcəyi və ölkələrin ciddi problemlə qarşılaşacağı barədə dövlət başçılarını xəbərdar edib.
Günel