İŞİD Yunis peyğəmbərin (ə) məqbərəsini partlatdı - VİDEO
“İraq Şam İslam Dövləri” terror təşkilatı (İŞİD) İraqın Mosul şəhərində Yunis peyğəmbərin (ə) məscidini və onun içində yerləşən qəbrini partladaraq, yerlə-yeksan edib.
Simsar.az “YeniŞafak”-a istinadla xəbər verir ki, İŞİD terror təşkilatı məqbərəni partlatmadan öncə əraziyə gedərək Mosul camaatını mühüm bir dini ayinin icrasına tamaşa edilməyə tələb edib. Məlumata görə, məqbərə partladıldıqdan sonra buldozerlər vasitəsilə yer-yeksan edilib.
“İslam Dövləti” terror təşkilatı məqbərənin dağıdılmasını burada şirk əməlinə yol verilməsi ilə əlaqələndirib.
Qeyd edək ki, "İslam Dövləti"nin bu cinayəti ilk deyil. Onlar bundan öncə İraq və Suriyada bir çox peyğəmbərlər və peyğəmbər səhabələrinin, övliya və alimlərin məqbərələrini, qədəmgahlarını və türbələrini dağıtmışdı.