Qars Bələdiyyəsi gözləyir
Türkiyənin Qars şəhərindəki türk-erməni dostluğunun simvolu sayılan abidənin sökülməsi ilə bağlı elan edilmiş tenderin nəticələri müvafiq işlə bağlı məhkəmə qərarı Qars Bələdiyyəsinə təqdim edildikdən sonra açıqlanacaq.
Bu barədə APA-ya Qars Bələdiyyəsinin Mətbuat və İctimaiyyətlə Əlaqələr şöbəsinin müdiri Özləm Öztürk bildirib. O, hazırda Ərzurum İnzibati Məhkəməsinin yazılı qərarını gözlədiklərini bildirib: “Bundan əvvəlki məhkəmə qərarı ilə abidənin sökülməsi müvəqqəti dayandırılmışdı. Ərzurum İnzibati Məhkəməsi isə həmin qərarı ləğv edib. İndi həmin qərarın bizə yazılı şəkildə verilməsini gözləyirik. Bundan sonra isə abidənin sökülməsi ilə bağlı tenderin nəticələri açıqlanacaq və abidə söküləcək”.
Xatırladaq ki, abidənin müəllifi olan heykəltəraş Mehmet Aksoyun qaldırdığı iddia əsasında abidənin uçurulması məhkəmə qərarı ilə müvəqqəti dayandırılmışdı. Ərzurum İnzibati Məhkəməsi isə həmin qərarı ləğv edib.
Abidənin sökülməsi ilə bağlı qərarı Qars Bələdiyyəsinin Məclisi bu il fevralın 1-də qəbul edib. “İnsanlıq abidəsi” adlanan və türk-erməni dostluğunun simvolu kimi təqdim olunan abidənin tikintisinə 2008-ci ildə başlanılıb. Lakin abidənin tikintisi yekunlaşmayıb. Türkiyənin baş naziri Rəcəb Tayyib Ərdoğan isə bir müddət əvvəl Qarsa səfəri zamanı bələdiyyə başqanı və digər rəsmilərlə görüşündə deyib ki, tarixi-memarlıq üslubuna zidd olan əcaib tikililər sökülməlidir. O, sözügedən abidənin də eybəcər olduğunu bəyan edib.
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
