Birləşmiş Millətlər Təşkilatı İnsan Hüquqları Komissiyası, İsrail hökumətinin Qəzzaya başladığı quru əməliyyatı sırasında etdiyi, “insan hüquqlarının pozulmasının araşdırılması üçün bir komissiya qurulması” təklifini təsdiqləyib.
İsrailin Qəzza zolağında təşkil etdiyi əməliyyatda ölənlərin sayı 678-ə çatıb. BMT İnsan Hüquqları Komissiyası, xüsusi bir toplantı keçirib. BMT-nin baş katibi Ban Ki-Mun atəşkəs üçün görüşlər keçrir. BMT İnsan Hüquqları Komissarı Navi Pillaydan isə İsrailə sərt tənqid gəlib.
İsraili də, Həması da qınadı
Çıxış edən Pillay, İsrailin hərbi əməliyyatlarını qınayaraq, əməliyyatda, müharibə cinayəti işləndiyini bildirib. O bu cinayətlərin araşdırılmasını isdəyib. Cenevrədə keçrilən iclasda çıxış edən Pillay İsrailin mülkiləri qorumaq üçün yetərli tədbirlər görmədiyini bildirərək, Həmasın da, İsrailə raket zərbələrini qınayıb.
Pillay, müharibə cinayətləri sırasında araşdırılacaq ən başlıca hadisələri sadalayıb:
13 iyulda əlil arabasında iki qadının öldürülməsi;
20 iyulda Sucaciyədədki evlərin hədəf alınması;
21 iyulda əl-Aksa xəstəxanasının vurulması
İsrailin BMT-dəki səfiri Eviatar Manor isə, Təşkilatın israilli mülkiləri qorumaq üçün, heç bir şey etmədiyindən narazılıq edib. Onun sözlərinə görə, Həmas İsrailə 2 min raket atıb, bu isə 2 min müharibə cinayətidir.
Vüsal Qarayev