İsrailin Qəzza əməliyyatı davam edir. Bu əməliyyatın qurbanı olan bir ailənin çox tragedik hekayəsi ortaya çıxıb. Oksford universitetində oxuduqan sonra evinə qayıdan Həsənin hamilə arvadı öldürülüb. Dünən də daha bir hamilə qadın qətlə yetirilib.
Ölənlər 614 oldu
İsrailin Qəzzaya qurudan hücumu nəticəsində ölənlərin sayı 614-ə çatıb. Qəzzadakı Səhiyyə Nazirliyi ölənlərdən 100-nün uşaq olduğunu açıqlayıb.
Ailəsi yox oldu
Dünən Beyt Hanunda bir evə düşən raket hamilə bir qadının ölümünə səbəb olub. Bazar günü isə 24 saat ərzində yox olan Hallak ailəsinin də faciəvi hekayəsi ortaya çıxıb. Keçən il Oksfordda oxuyan bank işçisi Həsən Hallakın evini dağıdan raket, onun hamilə arvadını, 2 oğlunu və qardaşını öldürüb. Sosial mediada Hallak ailəsinin şəkilləri paylaşılıb və oxuduğu Oksford universitetində Hallak ailəsinə dəstək üçün nümayiş keçrilib.
Yardım koridoru
BMT Qaçqınlara Yardım Təşkilatı Qəzzada BMT-yə bağlı 70 məktəbin hamsının sığnacaq edildiyini açıqlayıb. Qəzza əhalisinin yüzdə 6-nı təşkil edən 100 min nəfərin evlərini tərk etdiyi açıqlanıb. O da bildirilib ki, Dubayda Qəzzaya “havadan insani yardım koridoru” açılacaq. Dünən də İordaniyaya enən bir yardım təyyarəsi, Qəzzaya gətrilməsi üçün, 45 min döşək, 10 min yorğan və 220 şəxsi təmizlik ləvazimatları daşıyıb. ABŞ Xarici İşlər Naziri Con Kerri isə Qəzzaya 47 milyon dollar təcili yardım ediləcəyini açıqlayıb.
“Əl-Cəzirə”nin yayımına qadağa
Digər yandan İsrail Xarici İşlər Naziri Aviqdor Liebrman facebook səhifəsində “Qətər qlobal bir problemdir. Radikal terorist qrupları maliyyələşdirən Qətər, Həması da maliyyələşdirir. Həması təbliğ edən Əl-Cəzirə telekanalınının İsraildə yayımını qadağan etməyə çalışırıq” - deyə yazıb.
Vüsal Qarayev
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
