İsrail ordusu Qəzzanın müxtəlif bölgələrində təşkil etdiyi hücumların yeni hədəfi məscidlərdir. Hücum zamanı məscidlər tamamilə dağıdılıb, ətrafdakı binalara xeyli ziyan dəyib.
Şahidlərin sözlərinə görə, İsrail qırıcıları Qəzzanın mərkəzindəki Şuhəda əl Aqsa məscidinə raket atıblar. Şəhərin cənubunda yerləşən Rifah şəhərindəki Əl Faruq məscidi və Deyr əl Bəlaxdakı Əl-Əbrar məscidi də bombalı hücuma məruz qalıblar. Məscidlər tamamilə dağıdılsa da hadisə nəticəsində ölən və yaralananlar olmayıb.
Qeyd edək ki, “Müdafiə Xətti” adlandırılan və İsrailin Fələstinə hücumunu hədəf alan əməliyyata iyulun 7-də start verilib. 17 iyulda isə quru əməliyyatına başlanılıb. Əməliyyat nəticəsində 573 fələstinli ölüb, 3 400 –ü yaralanıb.
Ülviyyə Cövdətqızı