“Din – dövlət münasibətləri daha müsbət məcrada inkişaf edə bilər”
“Ümid edirəm ki, Mübariz Qurbanlı Dini Qurumlarla İş üzrə Dövlət Komitəsinin sədri vəzifəsinə təyin olunması ilə din-dövlət münasibətlərinin inkişafına müsbət töhfə verəcək uğurlu bir addım olacaq”. Bu sözləri Simsar.az-a açıqlamasında “Məşədi Dadaş” məscidinin imam camaatı, “Mənəvi dünya” ictimai birliyinin sədri, ilahiyyatçı Hacı Şahin Həsənli YAP icra katibinin müavini, Milli Məclisin deputatı Mübariz Qurbanlının Dini Qurumlarla İş üzrə Dövlət Komitəsinin sədri təyin edilməsinə münasibət bildirərkən deyib.
Şahin Həsənli qeyd edib ki, YAP icra katibinin müavini tarixçidir, humanitar sahə üzrə mütəxəssisdir və bu da ona vəzifəsinin öhdəsindən gəlməkdə yardımçı olacaq. “Mübariz Qurbanlı cəmiyyətdə kifayət qədər tanınmış şəxsdir, ictimai-siyasi proseslərdən xəbərdar olan bir insandır. Bundan sonra Dini Qurumlarla İş üzrə Dövlət Komitəsi din – dövlət münasibətlərinin müsbət məcrada inkişaf etməsinə xidmət etmiş olar”.
Ş.Həsənli vurğulayıb ki Dini Qurumlarla İş üzrə Dövlət Komitəsi dinlə bağlı dövlət siyasətini həyata keçirir, eyni zamanda dini qurunmlarla dövlət arasında bir körpü rolunu oynayır.
Qeyd edək ki, Prezident İlham Əliyev YAP icra katibinin müavini, Milli Məclisin deputatı Mübariz Qurbanlı Dini Qurumlarla İş üzrə Dövlət Komitəsinin yeni sədri təyin edilməsi haqqında sərəncam imzalayıb.
Aysel Kərimova
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
