“Prezident İlham Əliyev böyük etimad göstərib”
Bunu Simsar.az-a Milli Məclisin deputatı, Yeni Azərbaycan Partiyası (YAP) Siyasi Şurasının üzvü Siyavuş Novruzov Mübariz Qurbanlının Dini Qurumlarla İş üzrə Dövlət Komitəsinin sədri təyin edilməsinə münasibət bildirərkən deyib.
O bildirib ki, Prezident etimad göstərərək Mübariz müəllimi Dini Qurumlarla İş üzrə Dövlət Komitəsinin sədri təyin edib: “O, olduqca qabiliyyətli və bacarıqlı insandır. Azərbaycanın ictimai-siyasi həyatında həddindən artıq böyük rol oynayır. Dövlət quruculuğunun möhkəmlənməsində və siyasi mübarizədə öz sözünü deyib”.
O həmçinin bildirib ki, Mübariz Qurbanlı təcrübəli insandır: “Eyni zamanda ictimai işlərdə daha yaxından iştirak edir. Ona görə də o, ona həvalə edilən vəzifənin öhtəsindən gələ biləcək”.
“Hər bir müsəlman kimi Mübariz müəllim də dini ayinlərə riayət edən insandır”- deputat əlavə edib.
Hüseyn İbadlı