Milli Mətbuat Gününə həsr olunmuş stolüstü tennis üzrə turnir keçirilib.
Simsar.az xəbər verir ki, 22 iyul – Milli Mətbuat Günü ilə əlaqədar ölkəmizdə müxtəlif tədbirlər təşkil olunur. Bu məqsədlə iyulun 19-da Azərbaycan Respublikası Stolüstü Tennis Federasiyasının dəstəyi, Gənclər və İdman Nazirliyinin və “Sportsman” jurnalının təşkilatçılığı ilə “Royal” otelində KİV nümayəndələri arasında Milli Mətbuat Gününə həsr olunmuş stolüstü tennis üzrə turniri keçirilib.
Əvvəlcə turnirin açılış mərasimi keçirilib. Açılışda çıxış edən Azərbaycan Respublikası Stolüstü Tennis Federasiyasının vitse-prezidenti Fazil Məmmədov ölkəmizdə idmana böyük diqqət və qayğı göstərildiyini, bütün bunların isə idmana olan marağın daha da artmasına səbəb olduğunu vurğulayıb.
Turnirdə 30-dan çox mətbuat nümayəndəsi iştirak etmişdir. Şəxsi xarakter daşıyan yarış Beynəlxalq Stolüstü Tennis Federasiyasının qaydalarına əsasən keçirilib.
Yüksək fəallıq və gərgin idman mübarizəsi şəraitində keçən turnirdə kişilər arasında “Ömür yolu” qəzetinin xüsusi müxbiri Bəhruz Səmədov 1-ci yerə layiq görülüb. “Sportsman” jurnalının baş redaktoru Rəşad Cavadov 2-ci yeri, “Sportnet.az” saytının redaktoru Ceyhun Əliyev isə 3-cü yeri tutub.
Qadınlar arasında keçirilmiş yarışda isə “Sehirli Dünya” uşaq jurnalının baş redaktoru Gülzar İbrahimova qalib olub. “Turan” Teletatrının aktrisası Almas Hüseynova 2-ci, Türkiyə Kadıköy Sənətçilər Koordinatoru, şairə Aidə Zeynalova 3-cü yerə layiq görülüblər.
Turnirin qalibləri Azərbaycan Stolüstü Tennis Federasiyasının və “Sportsman” jurnalının diplom və mükafatları ilə təltif olunublar.
Hüseyn İbadlı
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
