Azərbaycan Dövlət Akademik Opera və Balet Teatrının simfonik orkestri avqustun 10-da Almaniyada keçiriləcək Opera Sənəti festivalının qala-konsertində çıxış edəcək.
Teatrın mətbuat xidmətindən Simsaraz-a verilən məlumata görə, Bavariyanın səfalı güşələrindən olan Qut-İmmlinqdə baş tutacaq festivalda 38 ölkədən dəvət olunmuş vokal sənəti ulduzları, rejissor və dirijorların iştirakı gözlənilir.
Qala-konsertdə Qərbi Avropa bəstəkarları ilə yanaşı, Azərbaycanın ölməz sənət adamları Üzeyir Hacıbəyli, Qara Qarayev və Fikrət Əmirovun əsərləri də ifa olunacaq.
Orkestri festivalın bədii rəhbəri və baş dirijoru Korneliya fon Kerssenbrofk və Azərbaycanın Xalq Artisti, professor Cavanşir Cəfərov idarə edəcəklər.
Simfonik orkestrin festivalda iştirakı Mədəniyyət və Turizm Nazirliyinin maliyyə dəstəyi ilə reallaşacaq.
Bununla da orkestrin bu festivalda artıq yeddinci dəfə iştirakı təmin olunacaq.
Günel