Ukraynada vurulan sərnişin təyarəsindəki meyitlər qatarla məlum olmayan yerə daşınmağa başlayıb. Rusiya meyillilər meyitləri Ukrayna hakimiyyətinə təhvil vermək istədiklərini desələr də, rəsmi Kiyev görüşməni rədd edib.
Cəsədlər soyuducularda daşınır
Ukraynada 17 iyulda, raketlə vurulan Malaziya Hava Yollarına aid Boeing-777 təyyarəsindəki 298 nəfərin meyidi, 72 saat sonra yığılaraq qatarla adı açıqlanmayan bir yerə aparılıb. Cəsədlərin Donetsk morquna aparıldığı bildirilir. Meyidlərin daşındığı qatarda 5 dondurucu vaqon olduğu deyilir. Rusiya meyillilər, 198 meyitin qatara yükləndiyini vurğulasalar da daşınmazdan öncə, Avropa Təhlükəsizlik Təşkilatı nümayəndələri meyitləri sayıblar.
Terroristlərlə görüşmək olmaz
Cəsədləri Ukrayna hakimiyyətinə təhvil vermək istədikləri bildirilir. “Donetsk Respublikası” nümayəndəsi Leonid Baranovun sözlərinə görə, “Biz cəsədləri Kiyevə təhvil vermək istəyirik. Lakin Kiyevdən razılıq ala bilmirik”. Ukrayna hökuməti isə, “Biz günahsız insanları terrorla öldürən terroristlərlə heç bir görüş həyata keçirə bilmərik” açıqlaması verib.
Sübutlar var
Ukrayna prezidenti Petro Poroşenko, Fransa prezidenti Fransua Oland ilə telefon danışığından dərhal sonra açıqlama verib: “Əlimizdə heç bir şübhə yeri olmayan sübut kimi, təyyarəni vuran raketin kosmosdan çəkilən görüntüsü var. Bizdə bundan başqa da sübutlar var”.
Vüsal Qarayev