Cəhənnəmin adı Şicaiyyə - İsrail dünən səhər saatlarında, Qəzza zolağına ən şiddətli hücumlarından birini edib. Şicaiyyə ərazisi havadan və qurudan bombalanıb. Ən az 100 nəfər ölü, 400-dən çox yaralı var. Fələstin lideri Mahmud Abbas hadisə ilə əlaqədar 3 gün yas elan edib.
Meyitlər küçələrdə qalıb
Dünən bütün dünyanın gözü qarşısında fələstinlilərə yenidən divan tutulub. Dinc əhalinin başına sayılması mümkün olmayacaq qədər bomba yağıb. İsrailin Qəzzaya hücumunun 13-cü günü müsəlmanlar üçün xüsusilə nəsh gətirib. İsrail Şicaiyyəni fasiləsiz olaraq havadan və qurudan bomba yağışına tutub. Cəsədlər küçələrdə qalıb, yağan bombalar insanlara yaxınlarının meyitlərini belə götürməyə imkan verməyib.
Bomba həkim, jurnalist tanımır
Fələstinli operator Xalid Hammad iş başında, həkim Fuad Cebir isə təcili yardım maşınına edilən hücum zamanı öldürülüb. Səhiyyə Nazirliyi, çarəsiz qaldıqlarını bildirib: “Şicaiyyəyə girə bilmirik. Nə qədər adam ölüb, nə qədər yaralanıb bilmirik”.
Ölənlərin çoxu uşaqlardır
Dünən saat 13:30 – 15:30 arası İsrail Qızıl Xaçın şəhərə girə bilməsi üçün müddət verərək, atəşi dayandırıb. Lakin təkrar atəş açmağa başlayıb. Mətbuat nümayəndələri də, məcbur şəhəri tərk ediblər. Qısa atəşkəsdən istifadə edən şəhər əhalisi canını götürüb qaçıb. Dünən gecə Şicaiyyədə ölənlərin sayı, çoxu uşaq və qadın olmaqla 100-ü, yaralılar isə 400-ü keçib. İsrail ordusu isə 13 əsgərinin öldüyünü açıqlayıb. Ümumilikdə Qəzzada İsrail hücumları nəticəsində ölənlərin sayı 425-i, yaralı sayı isə 3000-i keçib. İsraildən isə, 2 mülki, 18 əsgər ölüb.
Vüsal Qarayev
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
