İsrail Qəzzaya başladığı Qoruyucu xətt əməliyyatının onuncu günündən sonra, dünən Qəzzaya girib. İsrailin dünən çimərlikdəki uşaqları vurmasına isə dünyada etiraz davam edir.
Simsar.az xarici KİV-ə istinadən məlumat verir ki, İsrail Baş naziri Netanyahu, dünən gecə orduya qurudan Qəzzaya girmək əmri verdiyini bildirib. Bunun ardından isə İsrail ordusundan açıqlama gəlib: “Həmasın qurudan, havadan, sudan davam etdirdiyi hücumlardan və atəşkəs təklifələrini rəd etməsindən sonra ordu Qəzza Zolağına quru əməliyyatı başladıb. İsrail hökumətinin təlimatları ilə ordunun məqsədi İsrailliləri terrordan uzaq tutmaq, təhlükəsiz şəkildə yaşamasını təmin etmək və Həmasa ciddi zərbə vurmaqdır. Qoruyucu Xətt əməliyyatının bu mərhələsində, quru qüvvələri, hava və dəniz gücləriylə birlikdə hərəkət edəcək. Bundan başqa İsrail Təhlükəsizlik Agentliyi və digər təhlükəsizlik qurumları da bu əməliyyata dəstək verəcək”. Açıqlamanın ardından, ən son 2009-cu ildəki əməliyyatında bölgəyə qurudan müdaxilə edən ordunun, Qəzzanın Beyt Lahya bölgəsinə girdiyi və Fələstin silahlı qruplaşmaları ilə atışmağa başladığı bildirilir.
Həmas İsrailin bu addımına cavab olaraq, “İsrail bunun cəzasını ağır ödəyəcək”,- deyə bildirib
Vüsal Qarayev