2014-cü il Azərbaycan Mərkəzi Bankı yanında Mərkəzləşdirilmiş Kredit Reyestri Xidmətinə 10 mindən çox vətəndaş müraciət edib.
Simsar.az xəbər verir ki, jurnalistlərə açıqlamasında, xidmətin rəhbəri Elçin Həbibov belə deyib. Mərkəzləşdirilmiş Kredit Reyestri Xidmətinin pulsuz əsaslarla borcluların kredit tarixi haqqında çıxarış təqdim etdiyini deyən xidmət rəhbəri, bu xidmətin yalnız kredit təşkilatları üçün ödənişli olduğunu bildirib: “Çıxarışlar borcluların özlərinə verilir. Kredit reyestrinə sorğunu Mərkəzi Bankın rəsmi saytı vasitəsilə də göndərmək mümkündür. Sorğu göndərən şəxsin şəxsiyyətinin təsdiqlənməsi elektron imza – “ASAN imza” vasitəsilə həyata keçirilir.
Vüsal Qarayev