İndependent qəzetinin yazdığı xəbər yəqin ki, hələ dünyada çox danışılacaq. Qəzet iddia edir ki, İngiltərə və digər qərb ölkələrindən Suriyaya göndərilən yardımlar İŞİD kontrolundakı bölgələrə gedir.
Qərb İŞİDİ necə maliyyələşdirir ?
Bildirilir ki, qərbdən gələn yardımların əsas hissəsi Türkiyədə Reyhanlı və Kilis yaxınlığındakı sərhəd qapılarından, Suriyada İŞİD-in əlində olan bölgələrə gedir.
İŞİD xalqa özünü sevdirir
Qəzetdə yazılır ki, İŞİD payladığı qida və benzin yardımları ilə, işğal etdiyi ərazilərdə xalqı özlərinə çəkməyi bacarır.
Yazıda o da iddia edilir ki, İŞİD-in əlindəki bölgələrə gedən yardım quruluşları arasında Birləşmiş Millətlər Dünya Qida yardım Proqramı da var.
“Ehtiyacı olan hər kəsə yardım edirik”
Qəzetə danışan qərbli bir yardım təşkilatının işçisi, İŞİD-in əlində tutduğu ərazilərə birbaşa yardım etdiklərini bildirib: “Yardım tırlarımız Türkiyədə Kilis yaxınlığında sərhəddən Suriyaya keçir. Bəzən atışmalar, bəzən də İŞİD bölgələrinə yardım etməmizdən xoşu gəlməyən qruplaşmalar üzündən tırlarımız 2-3 həftə yolda qalır”.
İngilis hökumətindən Suriyadakı yardım fəaliyyətləri üçün, 27.3 milyon sterlinq alan yardım qurumu Mercy Corps İnternational-ın idarçilərindən biri qəzetə bunları deyib: “İrqinə, etnik kökünə, dininə və siyasi bağlantısına baxmadan, müharibənin olduğu hər yerdə ehtiyacı olan hərkəsə yardım çatdırırıq”.
İngiltərə Beynəlxalq İnkişaf Dairəsi-nin bir təmilçisi isə, İŞİD-ə bir başa yardım edilmədiyini bildirib: “Tərəfsizlik də daxil olmaqla, beynəlxalq insani yardım prinsiplərinə sadiq qalaraq, ehtiyacı olan bütün insanlara həyatlarını xilas edən yardımlar göndəririk”.
Vüsal Qrayev
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
