Fransanın şərqində yerləşən Mulhous şəhərində bir binada çıxan yanğında türk ailənin 3 üzvü ölüb.
Simsar.az-ın məlumatına görə, binanın birinci mərtəbəsində çıxan və qısa müddətdə pilləkən hissəsindən genişlənən yanğında adları açıqlanmayan türk ailəsində hər 2 valideyn və onların 13 yaşlı qızı ölüb. Ailənin digər 3 uşağı isə xilasedicilər tərəfindən xilas olunub.
Fransa mətbuatı xəbər verir ki, yanğında həyatını itirən ata üç uşağını dama çıxardaraq xilas edib. Xilasedicilər türk ailənin 5, 8 və 11 yaşlı uşaqlarını damda atalarından ala bilib. Lakin xilasedicilərin bundan artığına gücü çatmayıb.
Hazırda şəhər bələdiyyəsi tərəfindən yanğından xilsa edilən uşaqlara psixoloji yardım edildiyi xəbər verilib.