“Moskva metrosunda qatarın qəzaya uğraması nəticəsində ölənlərin sayı 12-nəfərdi”. Bunu jurnalistlərə Rusiya FHN-in rəhbəri Vladimir Puçkov bildirib. Simsar.az RİA Novostiyə istinadən xəbər verir ki, Moskva hakimiyyətinin məlumatına görə, daha 150-yə yaxın insan yaralanıb. Onlardan 100 nəfərindən çoxu xəstəxanalara yerləşdirilib.
Səhər pik saatda "Park Pobedı"- "Slavyanskiy bulvar" stansiyaları arasındakı yolda 3 vaqon relsdən çıxıb. Qəzanın səbəbləri hələlik aydın deyil: paytaxt xilasediciləri elektrik xətlərində gərginliyin kəskin dəyişməsi, Moskva metropoliteninin tüstülənməsi haqqında danışır.
RF İstintaq Komitəsi artıq təhlükəsizlik qaydalarının pozulması ilə bağlı cinayət işi açıb, lakin hələlik şübhəli yoxdur. Xilasetmə işləri davam edir.
Səhiyyə Departamenti rəhbərinin birinci müavini Aleksey Xripun RİA Novosti-yə bildirib ki, ölənlər və xəsarət alanlar arasında əcnəbilər yoxdur.