6 ay ərzində qidadan zərərçəkənlərin statistikası açıqlanıb
2014-cü ilin 6 ayı ərzində əhali arasında 521 qida zəhərlənməsi hadisəsi baş verib, onlar arasında 577 nəfər zərərçəkən olub”.
Bunu Simsar.az-a açıqlamasında Səhiyyə Nazirliyinin Gigiyena Epidemologiya şöbəsinin rəhbəri İmran Abdullayev deyib. Onun sözlərinə görə, ilin 6 ayı ərzində 13 botulizm hadisəsi baş verib, 19 nəfər zərərçəkən olub, zərəçəkənlərdən 1nəfər həyatını itirib.
Həmçinin, İ.Abdullayev 2014-cü ilin II rübü aprel, may, iyun ayının qida zəhərlənməsi hadisələri haqda da məlumat verib. Nazirlik rəsmisi bildirib ki, aprel, may, iyun ayı ərzində 324 qida zəhərlənməsi hadisəsi baş verib, onlar arasında 361 nəfər zərərçəkən olub. 2 botulizm hadisəsi baş verib ki, onlardan iki nəfər zərər çəkib 1 nəfər həyatını itirib.
Nazirlik rəsmisi qida zəhərlənməsi hadisələrinin əsasən məişətdə baş verdiyini deyib.
Aysel Kərimova