Kiprli rumlar, Şimali Kipr Türk Cümhuriyyətini (ŞKTC) yaradıb, adaya Anadoludan türk əhalisi göndərdiyi iddiasıyla, Türkiyəni Müharibə Cinayətləri üzrə Beynəlxalq Məhkəməyə verib.
Hollandıyanın Lahey şəhərindəki məhkəmə, işi qəbul edib etməyəcəyinə qərar verəcək. Türkiyə isə bu məhkəməni tanımır. Kipr Rum rəhbərliyinin Avropa Parlamenti millətvəkili Kostas Mavridis, məhkəməyə verdiyi ərizədə, Türkiyənin ŞKTC-ni yaradıb, adaya türkləri köçürərək müharibə cinayəti işlətdiyini iddia edib.
Rum vəkil, “Özəlliklə adanın şimalına əhalinin köçrülməsi, demoqrafik balansı pozmaq məqsədi güdür. Türkiyə beynəlxalq hüququ tapdalayır” - deyib.
Mavridis 20 İyul Kipr Sülh Hərəkatı-nın 40-cı ildönümü ərəfəsində şikayət edib.
Qeyd edək ki, 2002-ci ildə qurulan Müharibə Cinayətləri üzrə Beynəlxalq Məhkəmə, BMT çərçivəsində fəaliyyət göstərir. Türkiyə isə ABŞ-la birlikdə məhkəmənin qurulmasına razılıq verən ölkələr arasnda yer almayıb.
Vüsal Qarayev