Mərakeşin Kasablanka şəhərində 3 binanın uçması nəticəsində ölənlərin sayı 23-ə çatıb. Bu say arta da bilər.
Borkum bölgəsində çökən 3 binanın uçqunundan 3 gün içərisində 23 cəsəd çıxarılıb. Xilasedicilərin isə həmən bölgədə başqa bir binanın da uçması səbəbindən axtarma işlərinin durdurduqları açıqlanıb.
Hadisədə ölənlər arasında iki uşaq və populyar mərakeşli aktrisa Amal Maarouf və anası da var.
Xəbər agentlikləri bildirir ki, aktrisa uçqun altında uzun müdət telefonlara cavab verə bilib. Saatlar sonra isə əlaqə kəsilib.
Uçqundan 6-sı uşaq olmaqla, 55 nəfər sağ çıxarılıb. Çökmənin səbəbləri ilə bağlı hələ ki, rəsmi açıqlama verilməyib. Ədalət Nazirliyi isə hadisənin araşdırılması üçün cinayət işi açılması təlimatını verib.
Qeyd edək ki, Borkum bölgəsində uçan binaların 1960-cı illərdə inşa edildiyi bildirilir.
Vüsal Qarayev