Həmas “Xalid Meşal Türkiyədə” iddiasına cavab verib.
Həmas lideri Xalid Meşalın dünən gecə Türkiyəyə gəlməsi ilə bağlı xəbərlərin yalan olduğu açıqlanıb. İddiayla bağlı yalanlama Həmasdan gəlib.
İsrailə məxsus internet səhifəsində bildirilir ki, Həmasın verdiyi açıqlamada, Meşalın İsraillə Həmas arasında atəşkəs danışıqları üçün Türkiyəyə getməsi yalandır.
Məlumat üçün deyək ki, Xalid Meşalın Türkiyəyə getməsi xəbəri İsrailin kanal 2 televiziyasında efirə getmişdi.
Ölənlər durmadan artır
Onu da qeyd edək ki, İsrailin Qəzzaya etdiyi hücumlarda ölənlərin sayı 172-ə çatıb, 1260 nəfər isə yaralanıb.
Fələstin hökuməti açıqlamasında, İsrailin hücumları nəticəsində Qəzzada 560 evin tamamən dağıdıldığını, 12 min 800 evin isə qismən zərər gördüyünü açıqlayıb.
İsrail qaynaqlarına görə isə, Qəzzadan atılan raketlər səbəbiylə 208 İsrailli yaralanıb.
Vüsal Qarayev