Azərbaycanda İxracın və İnvestisiyaların Təşviqi Fondunda (AZPROMO) ABŞ-Azərbaycan Ticarət Palatasının nümayəndələri ilə görüş keçirilib.
Fonddan Simsar.az-a veilən xəbərə görə görüş zamanı Azərbaycan və ABŞ arasında ticarət əlaqələrinin hazırkı vəziyyəti və perspektivləri müzakirə edilib. AZPROMO-nun rəhbəri Rüfət Məmmədov qurumun fəaliyyəti, yerli və xarici iş adamlarına göstərdiyi xidmətlər, eləcə də ABŞ-da Azərbaycan məhsullarının təşviqi sahəsində görülən işlər barədə məlumat verib.
ABŞ-Azərbaycan Ticarət Palatasının həmsədri Reza Vəziri iqtisadi əlaqələrin daha da genişləndirilməsi üçün hər iki ölkənin böyük potensiala malik olduğunu vurğulayaraq işgüzar dairələrin iştirakı ilə keçirilən tədbirlərin əhəmiyyətindən danışıb.
Sonda AZPROMO ilə ABŞ-Azərbaycan Ticarət Palatası arasında əməkdaşlığa dair anlaşma memorandumu imzalanıb.
Vüsal Qarayev