Mədəniyyət və Turizm Nazirliyinin dəstəyi ilə Əməkdar İncəsənət Xadimi Yusif Həsənbəyin Xalq Yazıçısı İlyas Əfəndiyevə həsr etdiyi “Təkan” povesti çapdan çıxıb.
Nazirliyin mətbuat xidmətindən Simsar.az-a bildirilib ki, povestdə insanın həyatındakı təsadüflərin, əslində, onu məqsədinə doğru aparan yolda bir əlamət, bir rəmz olması vurğulanıb. Bu rəmzlərin mahiyyət etibarilə insanın anlamadığı, sonadək dərk etmədiyi ilahi “şifrələr” olması oxucunun diqqətinə çatdırılır. Müəllif povestdə, həmçinin xeyirxahlıq, vicdanlılıq, dürüstlük kimi yüksək mənəvi keyfiyyətləri ustalıqla tərənnüm edib.
Haqqında bəhs olunan bu yeni kitab nazirliyin tabeçiliyində olan kütləvi kitabxanalara və digər aidiyyəti qurumlara paylanılacaq.
Günel