Azərbaycan Rəssamlar İttifaqında (ARİ) Azərbaycan Dövlət Mədəniyyət və İncəsənət Universitetinin məzunu Elşən Sərxanoğlunun “Dünya bir az mən dadır” sərgisi keçirilib.
Simsar.az xəbər verir ki, ARİ-nin katibi, Xalq Rəssamı Ağəli İbrahimov toplaşanlara minnətdarlığını bildirib və qeyd edib ki, Elşən Sərxanoğlu Azərbaycanın ən istedadlı və səmimi rəssamlarından biridir.
E.Sərxanoğlu ARİ-nin üzvüdür. Rəssamın əsərləri Azərbaycan Milli İncəsənət Muzeyində, Cəfər Cabbarlı adına Azərbaycan Dövlət Teatr Muzeyində, Azərbaycanın Bolqarıstandakı səfirliyində və başqa yerlərdə saxlanılır. Onun rəsmləri respublika sərgilərində və beynəlxalq sərgilərdə nümayiş etdirilib.
Günel