Azərbaycan Respublikasının xarici işlər naziri Elmar Məmmədyarov Norveç Krallığının Azərbaycan Respublikasındakı səfiri Erling Skjonsbergi diplomatik fəaliyyətinin başa çatması münasibətilə qəbul edib.
Simsar.az xəbər verir ki, nazir Elmar Məmmədyarov səfir Erling Skjonsbergə Azərbaycan Respublikası ilə Norveç Krallığı arasında dostluq və əməkdaşlığın gücləndirilməsinə verdiyi töhfələrə görə təşəkkür edib.
Səfir Erling Skjonsberg diplomatik fəaliyyətinin həyata keçirilməsi üçün göstərilmiş dəstəyə görə Azərbaycan Respublikasına təşəkkür edərək, Azərbaycandan ən xoş təəssüratlarla ayrıldığını söyləyib.
Elmar Məmmədyarov səfir Erling Skjonsbergə gələcək diplomatik fəaliyyətində uğurlar arzulayıb.
Hüseyn İbadlı