Beş gündür Qəzzaya havadan hücum edən və quru əməliyyatına hazırlaşan İsrailə Livandan 3 mərmi atılıb.
Simsar. az xəbər verir ki, bu barədə “Yeni Şəfəq qəzeti məlumat yayıb.
Təhlükəsizlik orqanlarından alınan məlumatda səhər saatlarında Livanın Hasbayya bölgəsindən kimliyi bilinməyən bir qrup tərəfindən İsrailə 3 mərmi atılıb. Livanın hücumu zamanı bir israillinin yaralandığı bildirilir.
Dünən axşam da İsrail istiqamətində bir mərmi atıldığı, ancaq Livan torpaqlarına düşdüyü qeyd edilib. Livan təhlükəsizlik qüvvələri hadisə ilə əlaqədar şübhəli olan bir adamı nəzarətə alıblar.
İsrail cavab verdi
İsrail buna qarşılıq olaraq Livanın cənubundakı Kifarşuba diyarı və ətrafına 25 dən çox top gülləsi atıb. Hadisə nəticəsində yaralanan və ya ölən olmayıb.
Hüseyn İbadlı