Türkiyə Elmi və Texnoloji Araşdırmalar qurumu (TÜBİTAK), dövlətin zirvəsində istifadə edilən 164 şifrəli telefondan 80-nin dinləndiyini aşkarlayıb. Telefon danışıqları dinlənilib və qeydə alınaraq xaricə göndərilib.
Aralarında Abdulla Gül, Rəcəb Tayyib Erdoğan, Baş Qərargah Rəisi Nejdat Özəl, Milli Təhlükəsizlikdən Hakan Fidanın da olduğu dövlət zirvəsindən 164 şifrəli telefondan 80-nin dinləndiyi ortaya çıxıb.
Səs yazıları xaricə göndərilib
Dinlənmələr zamanı telefon danışıqları şifrəli olduğundan səs qeydi gurultulu alınır. Bunu normal səsə çevirmək üçün isə xüsusi texnologiyadan istifadə edilib. Yazılan səslərin Türkiyədən xaricə göndərildiyi ortaya çıxıb. Bununla bağlı verilən açıqlamada, 164 nəfərə verilən bütün şifrəli telefon danışıqlarının dinlənildiyi, lakin bunlardan yalnız 80-nin üzə çıxdığı deyilib. Dinlənilən 26 telefon danışığının isə kimə aid olduğu araşdırılır.
Simsar.az telefon danışıqları dinlənən bəzi vəzifəliləri təqdim edir:
Prezident Abdulla Gül
Baş Nazir Rəcəb Tayyib Ərdoğan
Baş Qərərgah Rəisi Nejdet Özel
Xarici İşlər Naziri Əhməd Davudoğlu
Milli Təhlükəsizlik rəsmisi Hakan Fidan
Jandarma Baş Komandiri Sərvət Yörük
Konstitusiya Məhkəməsi Başçısı Haşim Kılıç
Milli Məclisin spikeri Cəmil Çiçək.
Nazir müavini Bülent Arınç.
Nazir müavini Beşir Atalay.
Nazir müavini Ali Babacan.
Və digərləri...
Vüsal Qarayev