Bir il əvvəl robotların ünsiyyəti üçün daxili şəbəkə kimi təqdim olunan “RoboEarth” layihəsi haqqında məlumat verilib. Bu layihənin məntiqi davamı Almaniyanın Bremen Universitetinin Süni İntellekt İnstitutunun alimlərinin üzərində çalışdığı “RoboHow” layihəsi ola bilər.
“RoboEarth” layihəsi müxtəlif növ robotlara öz aralarında informasiya mübadiləsinə imkan verərək kompüterlərin qarşılıqlı əlaqəsi üçün müxtəlif dillər yaradıb. Bununla müxtəlif robotlar birlikdə eyni tapşırığı yerinə yetirə bilib.
Simsar.az xəbər verir ki, yeni “RoboHow”da alimlər layihəni daha da təkmilləşdirməyə nail olmağa çalışıblar. Belə ki, onlar robotları internet şəbəkəsi ilə işləməyi öyrətməyi planlaşdırırlar. Bu halda proqram təminatı informasiyanı hər robota uyğun çevirəcək.
Məsələn, yemək hazırlamaq arzusundasınız, lakin resepti uzun müddət internetdə axtarmaq istəmirsiniz. Bu halda bu işi robota həvalə etmək olar. O, sizə lazım olan resepti axtarıb taparaq onu komponentlərə böləcək və yeməyin hazırlanması üzrə göstəriş verəcək.
Əlbəttə, robotların qeyd olunan imkanları göründüyü kimi sadə deyil. Robotlar tərəfindən belə tapşırıqların yerinə yetirilməsi üçün tərtibatçılar hələ böyük iş görməlidirlər. Onların məqsədi robota istənilən işi yerinə yetirməyə imkan verəcək proqram təminatının yaradılmasıdır.
Vüsal Qarayev
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
.jpg)
