İsrailin Qəzza sərhədinə yığdığı hərbi birliklərin əməliyyata başlamaq üçün əmr gözlədikləri açıqlandı.
İsrail tankları Qəzza sərhədində
İsrail hərbi təyyarələrinin 3 gün ərzində Qəzzaya etdiyi hava hücumlarında ölənlərin sayı 85-ə yüksələrkən, İsrailin bölgədə quru hərəkatı üçün gördüyü hazırlıqların da tamamlandığı bildirildi.
Hücum üçün əmr gözləyirlər
İsrail ordusu təmsilçisi Avichay Adraee, xarici mətbuata verdiyi açıqlamada, “Piyada birlikləri və zirehli maşınlar Qəzzaya quru əməliyyatı keçirmək üçün sərhədə hazır şəkildə veriləcək əmri gözləyir” deyib.
Əməliyyat bu gün, sabah başlaya bilər
Adraee, Baş Qərargah tərəfindən Qəzza üçün hazırlanan müdaxilə planının quru əməliyyat olduğuna diqqət çəkib: “Bütün planlar hökumət tərəfindən bütün olaraq qəbul edilib. Yəni, quru əməliyyatı da bu gün, sabah və ya uyğun görülən ən qısa zamanda başlaya bilər”.
İsrail hökumətinin 40 min ehtiyatda olan əsgərin orduya çağrılmasına yaşıl işıq yandırdığına toxunan Adraee, ”Ancaq ehtiyyatda olan əsgərlərdən hələ ki, az hissəsi silahlandırılıb” - deyə bildirib.
İşğal yox, əməliyyatdır
Adraee, gedişatın əməliyyata apardığını vurğulayıb: “Həmasın uzun mənzilli raketlərlə İsrailin şəhərlərini vurması bunu təxirəsalınmaz edir. Ancaq bu hücum işğal yox, quru əməliyyatıdır” şəklində danışıb.
Məlumat üçün deyək ki, İsrailin baş naziri Netenyahu dünən verdiyi açıqlamada, ordunun hər şeyə hazır şəkildə gözlədiyini demişdi.
Qeyd edək ki, İsrail, baş tutacaq hər hansı bir əməliyyat üçün 40 min ehtiyatda olan əsgəri orduya çağırmışdı.
Vüsal Qarayev
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
