“Baku Creative Center”in təşkilatçılığı, Mədəniyyət və Turizm Nazirliyinin dəstəyi və “Nar Mobile” mobil operatorunun baş sponsorluğu ilə “Azerbaijan Art Festival–2014” layihəsi reallaşdırılır.
“Baku Creative Center”dən Simsar.az-a verilən məlumata görə, turne şəklində Azərbaycanın bölgələri üzrə icra edilən layihə çərçivəsində Lənkəran Dövlət Rəsm Qalereyasında rəsm sərgisi açılıb.
Bu münasibətlə keçirilən mərasimdə Lənkəran Şəhər Mədəniyyət və Turizm Şöbəsinin əməkdaşı İlqar Əzimov çıxış edərək sərginin açılışını yüksək qiymətləndirib, bunun turizm potensialının inkişafına böyük kömək edəcəyini bildirib.
Mərasimdə rayon ictimaiyyətinə “Azerbaijan Art Festival-2014” layihəsi haqqında ətraflı məlumat verilib.
Ekspozisiyada Lalə Ağayevanın, Asima Səmədlinin, Fəxri Abbasovun, Səmra Axundovanın, Fəqanə Əliyevanın, Vüsalə Ağarazıyevanın, Fəridə Qarayevanın, Lalə Hüseynovanın, Rasim Mahmudovun, Elnur Həsənovun, Pərviz Əsədovun, Günel Ravilovanın, Anar Qəmbərlinin, Mehriban Şamsadinskayanın və digər rəssamların əsərləri nümayiş edilib.
İyulun 1-dən 30-dək davam edəcək turnedə ardıcıl olaraq Astara, Lerik, Yardımlı, Lənkəran, Bərdə, Goranboy, Gəncə, Şəmkir, Qazax və Ağstafa rayonları yer almışdır. Bu regionlarda sərgilər təşkil edilir və rəssamlar tərəfindən ustad dərslər keçirilir.
Günel