Bu gün səhər saatlarında Bakının Sabunçu rayonu ərazisində qəzaya uğrayan təyyarə təlim təyyarəsi imiş. Simsar.az xəbər verir ki, Sabunçu rayon Polis İdarəsi 14-cü polis bölməsindən ANS PRESS-ə verilən məlumata görə, hadisə Maştağa qəsəbəsində qeydə alınıb.
Verilən məlumata görə, təyyarə Zabratda vertolyot meydançasına aid “CESSNA” markalı iki nəfərlik kiçik təlim təyyarəsi olub. Təyyarə kiçik məsafədə uçan zaman qəzaya uğrayıb. Qəza zamanı xoşbəxtlikdən xəsarət alan olmayıb.
Faktla bağlı araşdırma aparılır.
Qeyd edək ki, bu gün Bakıda iki nəfərlik kiçik təyyarə qəzaya uğrayıb.
Sabunçu rayon Polis İdarəsindən Trend-ə bildiriblər ki, bu gün səhər saatlarında təyyarə Maştağa qəsəbəsi ərazisinə düşüb.
Qəza nəticəsində xəsarət alan olmayıb.