Hər bir insan gündə ən azı 2 litr və ya 8-10 stəkan su içməlidir. Yay mövsümü ilə əlaqədar havaların həddindən artıq isti keçməsi və ramazan ayının da məhz bu günlərə təsadüf etməsi orqanizmin suya tələbatını daha da artırır. Adi suyun dadsız olduğunu fikirləşənlər su qabına limon və meyvə dilimləri ataraq onu daha da ləzzətli edə bilərlər. Və ya şəkərsiz kompot ilə maye qəbulunu artıra bilərlər.
Qeyd etmək yerinə düşər ki, isti havalarda bədəndəki su miqdarı azaldıqca insanda yorğunluq, halsızlıq, diqqətsizlik kimi problemlər ortaya çıxır. Xüsusilə Ramazan müddətində 18 saatlıq aclıq və susuzluq ardından bədəninin suya olan tələbatını ödəmək üçün daha çox su içmək lazımdır. Hətta su içməyi sevməsəniz belə.
Sara Rütəmova