Fələstin prezidenti Mahmud Abbas, İsraili Qəzzada soyqrım törətməkdə günahlandırıb.
İordan çayının qərb sahilindəki Ramallah şəhərində təşkil edilən böhrana dair toplantıda çıxış edən Abbas, “Bu bir soyqırımdır. Ailələrin tamamilə öldürülməsi İsrailin Fələstinli xalqına soyqırımıdır”,-deyib.
Bu arada, Fələstin, Səudiyyə Ərəbistanı və Küveyt hücumların dayandırılması üçün BMT Təhlükəsizlik Şurasını toplantı keçirməyə dəvət ediblər. Fransa və Almaniyadan isə İsrailə dəstək mesajları gəlib. Merkel, İsrailə qarşı raket atışlarının qəbuledilməz olduğunu bildirərkən, Fransa prezidenti Fransua Olland, İsraillə əməkdaşlıq içində olduqlarını deyib.
Vüsal Qarayev