İçməli su çatışmazlığının müşahidə olunduğu Kürətrafı rayonlarda su probleminin həlli məqsədilə Talış-Sabirabad-Saatlı magistral su kəmərinin tikintisi uğurla həyata keçirilir. Kəmərin inşasının ilin sonuna qədər başa çatdırılması nəzərdə tutulur.
“Azərsu” ASC-nin mətbuat xidmətindən Simsar.az-a veilən məlumata görə, Oğuz-Qəbələ-Bakı su kəmərinin istismara verilməsi Kür sutəmizləyici qurğular kompleksindən paytaxta nəql edilən suyun bir hissəsinin Kürətrafı bölgələrə yönəldilməsinə imkan yaradıb. Bu məqsədlə 2012-2013-cü illərdə Şirvan-Muğan qrup su kəməri inşa edilmiş, həmin mənbədən Şirvan, Hacıqabul və Biləsuvar şəhərlərinə içməli suyun verilməsi təmin olunub. Kür sutəmizləyici qurğular kompleksinin potensialı, eyni zamanda Saatlı və Sabirabad şəhərlərinə, eləcə də ətraf kəndlərə içməli su verilməsinə imkan yaradır.
Mənbəyini Hacıqabul rayonunun Talış kəndi yaxınlığında yerləşən Kür sutəmizləyici qurğular kompleksindən götürən Talış-Sabirabad-Saatlı su kəməri 61,5 kilometr uzunluqda layihələndirilib. İndiyədək kəmərin 45 kilometrlik hissəsində işlər başa çatdırılıb. Nəql olunacaq suyun keyfiyyətini yüksək səviyyədə saxlamaq və korroziyanın qarşısını almaq məqsədilə borular daxildən xüsusi izolyasiya ilə örtülür. Eyni zamanda, kəmərin marşrutu boyunca yerləşən kəndləri su ilə təmin etmək üçün çıxışlar qoyulur.
Magistral kəmərin istismara verilməsi ilə Sabirabad və Saatlı şəhərlərinin, həmçinin marşrut boyunca yerləşən 44 kəndin 143 min sakini keyfiyyətli içməli su ilə təmin olunacaq.
Xatırladaq ki, magistral kəmərin tikintisi Azərbaycan Hökuməti ilə Dünya Bankının birgə maliyyələşdirdiyi “Milli su təchizatı və kanalizasiya xidmətləri layihəsi” çərçivəsində həyata keçirilir. Layihə çərçivəsində Sabirabad və Saatlı şəhərlərinin su təchizatı və kanalizasiya infrastrukturları da yenidən qurulur.
Vüsal Qarayev
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
