“Hafka” kimi tanınan azərbaycanlı oliqarx Hafiz Məmmədovun ötən bazar günü Bakı aeroportunda saxlanılması barədə Azərbaycan KİV-lərində yayılan xəbərlər Fransa və İngilərə media məkanına da sıçrayıb.
Simsar.az saytı xəbər verir ki, Fransanın “L'Equipe” jurnalı Azərbaycan KİV-lərinə istinadən H.Məmmədovun saxlanıldığı barədə məlumata yer verib.
Digər bir neçə Fransa saytları da jurnala istinadən xəbəri tirajlayıblar. Bildirilir ki, H.Məmmədovun “Lans” klubunun yüksək liqaya buraxılması məsələsində problem yarandığı bir vaxtda bu həbs xəbəri klubun taleyi ilə bağlı şübhələri daha da artırır.
Həmçinin İngiltərə mediası H.Məmmədovun həbsi barədə xəbər yayıldığına yer verib. Hereisthecity.com saytı qeyd edir ki, bu həbs xəbərinə nə H.Məmmədovun klubundan, nə də onun nümayəndəsindən heç bir şərh verilməyib. Sayt bu şayiələrin H.Məmmədov tərəfindən alınan “Şeffild Uednesdey” klubunun azarkeşlərini də narahat edə biləcəyini yazır.