Simsar.Az xəbər verir ki, bu səhər tanınmış estrada ulduzu Günel Zeynalovanın ölümü ilə bağlı şayiələr yayılıb. Bu üzücü xəbərin yayılmasının əsas səbəbi yerli kanalların birində göstərilmiş süjet olub.
Belə ki, Günel Zeynalova adlı bir qızın Türkiyədəki xəstəxanaların birində vəfat etməsi şaiyəni müğənninin adı ilə bağlayıb. Süjeti izləyən tamaşaçılar Azəri qızının doğmalarına yalnış məlumat ötürüblər.
Hazırda istanbulda olan müğənni barəsində xoş olmayan bu məlumatı şiddətlə qınayaraq rəsmi İnstagram hesabında şayiəni bu açıqlamanı etməklə təkzib edib :
" Bakıda öldüyüm haqda xəbər yayılıb. Məni sevənlər, ailəm, hər kəs həyəcan keçirib, üzülüblər. Belə səviyyəsiz xəbəri çıxaran mənim öldüyümü harada görüb ki, xəbər yayıb? Mən daha ölmədim. Tövbə-tövbə.
Belə boş şayiələrə inanmayın. 5 dəqiqənin içində məni öldürdülər.
Təbii ki, bir saniyə sonra kimə nə olacağını bilmirik. Allahın yazdığı ömürdür. Allahım hər kəsə can sağlığı versin".
Şahin Cavadsoy
Simsar.Az