Simsar.Az xəbər verir ki, Azərbaycanın tanın mış ulduzu Röya Ayxan hazırda istanbulda olsa da onun gələn ay paytaxtımızda verəcəyi növbəti solo konserti haqda xəbərlər səngimək bilmir.
Müğənninin prodüseri Kənan Bayramov əməkdaşımızla söhbətində bu məlumatı inkar etmədi :
"Belə bir ideya var ki, Röya Yaşıl Teatrın səhnəsində çıxış etsin. Maraqlısı ondadır ki, fanatlar artıq konsertə tədarük görüblər. Əslində bu yaxşı göstəricidir.
Konsert günü hələ təyin olunmayıb, tamaşaçılarımız artıq bilet almağa hazır vəziyyətdədirlər. İnşAllah onlara xoş xəbər deyərik".
Kənan onu da əlavə etdi ki, sevimli ulduz iyulun sonlarına qədər Türkiyədə qalmağı planlaşdırır.
Şahin Cavadsoy
Simsar.Az