Azərbaycan-Gürcüstan Parlamentlərarası Dostluq qrupunun üzvləri Bakıda səfərdə olan Gürcüstan Parlamentinin sədri David Usupaşvili və rəhbərlik etdiyi nümayəndə heyətinin üzvləri ilə görüşüb. Görüşdə Azərbaycan tərəfindən Azərbaycan-Gürcüstan Parlamentlərarası dostluq qrupunun rəhbəri, millət vəkili Qənirə Paşayeva və qrupun üzvləri millət vəkilləri Əhməd Vəliyev, Rasim Musabəyov və Əsabil Qasımov iştirak edib.
Dostluq qrupunun rəhbəri, millət vəkili Qənirə Paşayeva və dostluq qrupun üzvləri bildiriblər ki, Azərbaycan-Gürcüstan Parlamentlərarası Dostluq qrupu tərkibinə görə Milli Məclisin böyük parlamentlərarası dostluq qruplarından biridir: “Azərbaycan rəhbərliyi Gürcüstanla münasibətlərə böyük önəm verir. Eyni zamanda, Gürcüstan rəhbərliyinin də Azərbaycanla münasibətlərə böyük önəm verdiyini qeyd etmək olar. Bu, bizim üçün böyük örnəkdir”.
Gürcüstan nümayəndə heyətində iki Azərbaycan kökənli millət vəkilinin təmsil olunmasının məmnuniyyətverici olduğu, Gürcüstanda yaşayan azərbaycanlıları və Azərbaycanda yaşayan gürcülərin dövlətlərimiz arasında münasibətlərin inkişafında çox önəmli rol oynadıqları deyilib.
Gürcüstan Parlamentinin sədri D.Usupaşvili bildirib ki, Azərbaycan-Gürcüstan əlaqələri yüksək səviyyədədir. “Biz bu əlaqələrin gələcəkdə daha da inkişaf etdirilməsini istəyirik. Bütün əsas məsələlərdə hər iki ölkənin maraqları üst-üstə düşür”. Azərbaycan Prezidenti cənab İlham Əliyevlə və Azərbaycan Milli Məcslinin sədri Oqtay Əsədovla yüksək səviyyədə görüş və müzakirələrinin olduğunu deyən sədr, parlamentlərarası əməkdaşlığın yüksək səviyyədə olduğunu bildirib.
Görüşün sonunda ona və heyət üzvlərinə Azərbaycan-Gürcüstan Parlamentlərarası dostluq qrupunun adından Azərbaycan tarixi, mədəniyyəti ilə bağlı materiallar və Avrasiya Beynəlxalq Araşdıqmalar İnstutu İB-nin hazırladığı “Azərbaycan Həqiqətləri” filmlər kataloqu hədiyyə edilib. Görüşdə Dağlıq Qarabağ münaqişəsi həqiqətləri, münaqişənin tarixi kökləri, Ermənistanın işğal etdiyi torpaqlarımızda törətdiyi vandalism aktları, soyqırımlar barədə sənədli filmlərin öz əksini tapdığı filmlər və kataloq barədə məlumat da verilib.
David Usupaşvili də Gürcüstan mədəniyyətini, tarixini özündə əks etdirən kitabları və materialları Azərbaycan-Gürcüstan Parlamentlərarası dostluq qrupunun rəhbəri və üzvlərinə hədiyyə edib.
Simsar.az
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
