İspanyanın Alicante şəhərində, islandiyalı gənc lunapark qatarından yıxılaraq faciəli şəkildə ölüb.
Simsar.az xarici KİV-ə istinadən məlumat verir ki, hadisə qatarın sürətinin artması nəticəsində baş verib. Belə ki, rels üzərində sürətlə hərəkət edən qatar, saatda 60 km sürətə çatıb və 350 dərəcə dönməyə başlayıb. Elə bu zaman 18 yaşlı islandiyalı qatardan yerə yıxılıb. Həkimlərin səylərinə baxmayaraq onun həyatını xilas etmək mümkün olmayıb.
Lunapark işçiləri hadisənin səbəbini bilmədiklərini, bu yaxınlarda atraksiyonların təhlükəsizlik baxışından keçdiyini deyiblər.
Qeyd edək ki, bu lunaparkda 14 il ərzində baş verən ilk belə hadisədir. Hadisəylə bağlı araşdırma aparılır.
Vüsal Qarayev