“Vaxtilə, sovet ordusu yerləşən Bakı ətrafı ərazilərdə gizlədilmiş minalar və ayrı-ayrı hərbi sursatlar hələ də qalmaqdadır. Ancaq Nargin adasını minalardan təmizləmək böyük vəsait tələb edir”.
Simsar.az xəbər verir ki, bunu Baş naziri müavini Abid Şərifov jurnalistlərə açıqlamasında deyib. O qeyd edib ki, insanların yaşayış yeri kimi istifadə edə biləcəyi ərazilər minalardan təmizlənməlidir. “İstər Saloğlu, istərsə də Ceyrançöldə minlərlə hektar torpaq minlaradan təmizlənərək insanların istifadəsinə verilib. Artıq həmin ərazilərdə insanlar əkin biçinlə məşğul olacaqlar. Bu gün Bakı ətrafında saymaqla mümkün olmayan xırda layihələr həyat keçirilib”.
A. Şərifov həmçinin qeyd edib ki, Lənkəranda da bəzi ərazilərin minadan təmizlənməsinə ehtiyac var. “Bir müddət əvvəl Lənkaranın icra başçısı mənə məktubla müraciət edərək, oranın minadan təmizləmənməsinə ehtiyac olduğunu bildirib. Bu gün həmin ərazi təhlükəsiz hala gətirilib”.
Aysel Kərimova