Əl-Qaidə ilə əlaqəli terroristlər Samsung və iPhone smartfonlarını bombaya çevirmə üsulunu tapıblar.
Simsar.az xəbər verir ki, bu barədə “Evening Standard” qəzeti məlumat dərc edib.
Qəzetin bildirdiyinə görə, Avropa, Afrika və Yaxın Şərq hava limanalrının təhlükəsizlik xidməti telefonları təqibə alırlar. Cümə axşamı günü Vaşinqtonun tələbi üzərinə Britaniya və bir sıra digər ölkə limanlarında ABŞ-a təyyarə səfərləri istiqamətində geniş təhlükəsizlik tədbirləri həyata keçirilir. Ölkəyə təşkil edilən hava səfərlərində Yəmən və Suriyalı terroristlərin hücum təşkil edə biləcəyindən ehtiyatlanan ABŞ, təhlükəsizlik məqsədi ilə bu tədbirlərin həyata keçirilməsini istəyib.
Qəzet dərc etdiyi xəbərdə bu ifadələrə xüsusi yer verir: “Alınan məlumata görə Əl-Qaidə ilə əlaqəli terrorçular cib telefonlarını gizli bombaya çevirmənin üsulunu tapıblar. Amerika kəşfiyyat qüvvələri şərhlərində bildiriblər ki, iPhone və Samsung Galaxy daxil olmaqla ağıllı telefonların təhlükəsizlik ayarlarına əlavə dəyişiklik edilməsi üçün idarəetmə yaradılmalıdır. Bu idarənin Avropa,Yaxın Şərq və Afrikadan ABŞ-a reallaşdırılan səfərlərdə edilməsi lazımdır”.
Hüseyn İbadlı