Müstəqillik referendumuna hazırlaşan iraqlı kürdlərə 2 ölkədən etriaz gəlib. Misir lideri El Sisi, “Kürdlərin müstəqillik tələbi fəlakət olar” deyib, İran isə bunun İsrailin istəyi olduğunu bildirib.
Ötən günlərə qısa nəzər salasaq görərik ki, İŞİD-in sürətli irəliləyişi qarşısında İraq ordusunun Kərkükdən geri çəkilməsi, burda kontrolu peşmərgələrin əlinə keçirdi. Bundan sonra Şimali İraq kürd idarəçiliyinin rəhbəri Məsut Bərzani ötən həftə parlamentdən müstəqillik referendumu üçün hazırlıq görmələrini tələb edərək, "Öz taleyimizi özümüz təyin etmək üçün referendum hazırlığına başlayaq” dedi.
İsrail baş naziri Benyamin Netanyahu da müstəqil bir Kürdüstan dövlətinin qurulmasının lehinə olduğunu bidlirərək, kürdlərin öz dövlətlərini qurmağa layiq olduqlarını bildirdi.
Əl Sisi: “Bu fəlakətdir”
Misirin yeni prezidenti Əbdülfəttah Əl Sisi isə dünən – “İraqlı kürdlərin müstəqillik referendumu fəlakətə yol aça bilər”, - deyib: “Kürdlərin müstəqillik tələbi, İraqın kiçik dövlətlərə bölünməsindən başqa bir fəlakət deyil. Müstəqil Kürd dövləti kürdlərin yaşadığı Suriyadakı torpaqları da əhatə edəcək qədər geniş olacaq. Bu orta şərqin dini və etnik kökdən yenidən formalaşdırılmasına yönəlmiş qorxunc planın bir parçasıdır”.
Ankaranın strateji mövqeyi İranla eynidir
İran Xarici İşlər nazirinin müavini Hüseyn Əmir Əbdüllahiyan isə İraqın bölünməsinin bir sionist plan olduğunu deyib: “Netenyahu Kürdüstanın müstqilliyinə böyük sevinclə dəstək verən tək insandır. Amma onun xəyallarının gerçəkləşməsinə imkan verməyəcəyik. Qərbi İraq liderlərindən tələsik addım atmamağı tələb edirik”. Əbdüllahiyan həmçinin bu mövzuda Türkiyə ilə eyni fikirdə olduqlarını deyib: “Türkiyə hazırkı şərtlərə görə hələlik bu mərhələdə sərt reaksiya verməkdən çəkinir. Lakin Qərbi İraqın müstəqilliyi məsələsində Ankaranın strateji mövqeyi İranla eynidir”.
Vüsal Qarayev
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
