Baqdasaryan: “Ermənistan Avrasiya İqtisadi Birliyinə (AİB) qoşulmada heç bir ilkin şərt qəbul etmir”
Simsar.az REGNUM-a istinadla xəbər verir ki, bunu jurnalistlərə Ermənistan hakim Respublika Partiyasının fraksiya rəhbəri Vaqram Baqdasaryan bildirib.
Baqdasaryan vurğulayıb ki, Ermənistan AİB-ə qoşulduğu zaman heç bir ilkin şərt qəbul etməyəcək və ölkənin üzvlüyü eyni şərtlərlə olacaq: "Heç bir maneə yoxdur. Şərtlər əsasən texniki xarakter daşıyırdı. Onlar artıq ləğv edilib. Əgər yeni şərtlər olacaqsa, bu halda Ermənistan da eyni şərtlərlə AİB-ə daxil olmağa hazır olacaq".
O bildirib ki, yayda Serj Sarkisyan və Vladimr Putinin görüşü olacaq. Görüş zamqanı AİB-ə ölkənin üzvlüyü məsələsi müzakirə ediləcək.
Bildirək ki, mayın 29-da Astanda Ali Avrasiya İqtisadi Şurasının keçirilən sammitində əldə olunan razılığa əsasən 1 iyula qədər Ermənistanın AİB-nə birləşməsi üzrə aparılan danışıqlar sona çatmalıdır.
Hüseyn İbadlı