“Ötən illə müqayisədə buraxılış imtahanlarının nəticələri eyni səviyyədədir” Simsar.az xəbər verir ki, bunu Tələbə Qəbulu üzrə Dövlət Komissiyasının (TQDK) sədri Məleykə Abbaszadə Sumqayıtda vətəndaşları qəbul etdikdən sonra jurnalistlərə açıqlamasında deyib.
TQDK sədri ona Təhsil Nazirliyi ilə bağlı verilən sualı da vavablandırıb. Bildirib ki, qəbul imtahanlarının nəticələrinə gəlincə, bu proses tam başa çatmayıb. “Biz ümumi nəticə haqqında heç nə deyə bilmərik. Hansısa islahatı aparmaq üçün müəyyən vaxt verilir. Mən hansısa bir dövlət qurumunun işinə qiymət vermək fikrində deyiləm. İkincisi isə biliyin qiymətləndirilməsini hər il aparırıq deyə, yalnız keçən il və əvvəlki illərlə bu ilin nəticələrini müqayisə edə bilərik. Bu nəticələr bilavasitə uşaqların imtahanlarda göstərdiyi biliyin qiymətləndirilməsi nəticəsində olan fikirlər, əsaslardır. TQDK sədri bildirib ki, keçən illə müqayisədə buraxılış imtahanlarının nəticələri eyni səviyyədədir. Qəbul imtahanlarının nəticələrinə gəlincə, bu proses tam başa çatmayıb, deyə biz ümumi nəticə haqqında heç nə deyə bilmərik”.
Aysel Kərimova