Çinin Sincan-Uyğur bölgəsində bəzi dövlət idarələrində oruc tutmaq qadağan edilib. Simsar.az xarici KİV-ə istinadən məlumat verir ki, Turfan iqtisadiyyat məsələləri şöbəsinin rəsmi internet səhifəsində “dövlət qulluqçuları və şagird və ya tələbələr oruc tuta, digər dini fəaliyyətlərə qatıla bilməz” xəbərdarlığı verilib.
Bölgənin rəsmi radio stansiyalarından “Bozhou”nun rəsmi səhifəsində yayımlanan xəbərdarlıqda isə “partiya mənsubları, müəllimlər və gənclər Ramazana dair işlərə qatıla bilməzlər” fikirləri yer alıb.
“South China Morning” qəzeti bu kimi xəbərdarlıqların bir çox rəsmi qurum tərəfindən yayımlandığını bildirib. Qəzet həmçinin yerli mənbələrə əsaslanaraq, rəsmilərin gün ərzində ödənişsiz yemək təşkil etdiklərini vurğulayıb.
Ülviyyə Cövdətqızı