Pirallahı rayonunun baş planı çərçivəsində dövlət əhəmiyyətli obyektlərin inşasına diqqət artırılıb.
Simsar.az-ın məlumatına görə, “Bakıelektrikşəbəkə” ASC-nin müvafiq qurumunun binası üçün S.Vurğun küçəsində 0,52 hektar torpaq sahəsi ayrılıb. Bu ilin martında həmin ərazidə birmərtəbəli inzibati binanın tikintisinə başlanılıb. Hazırda inşası davam etdirilən binanın sahəsi 400 kvadratmetr, hündürlüyü isə 5 metr olacaq.
İnşası davam etdirilən Pirallahı Rayon İcra Hakimiyyətinin inzibati binasında betonlama işlərinə başlanılıb. Layihəyə əsasən, inzibati bina dörd mərtəbədən ibarət olacaq. Klassik və modern üslubun sintezini özündə əks etdirən bina həm də rayonun görkəminə xüsusi gözəllik verəcək.
Həmçinin, Pirallahı Rayon Polis Şöbəsinin inzibati binasının da tikintisi davam edir.
Vüsal Qarayev