Çex Respublikasının Karlovı Varı şəhərində “Axınla üzü aşağı” filminin dünya premyerası keçiriləcək.
Cəfər Cabbarlı adına “Azərbaycanfilm” Kinostudiyasında istehsalı yenicə başa çatmış “Axınla üzü aşağı” bədii filmi iyulun 5-dən 12-dək Karlovı Varı Beynəlxalq film festivalına dəvət alıb.
Kinostudiyadan Simsar.az-a bildirilib ki, bu ekran əsəri festivalın “East of the West” müsabiqə proqramına salınmışdır. Proqrama, ümumilikdə 12 film daxil edilib.
Filmin ssenari müəllifləri Asif Rüstəmov və Otar Pertaxiya, quruluşçu rejissor Asif Rüstəmov, operator Ayxan Salar, bəstəkar Xəyyam Mirzəzadə, icraçı prodüseri Nadir Əliyev, baş prodüseri Müşfiq Hətəmovdur.
Filmdə baş rolları Namiq Ağayev, Mehriban Zəki, Aleksandra Andjevska və Teymur Məmmədov canlandırıb.
“Axınla üzü aşağı” psixoloji ailə dramıdır. Əsas hadisələr Mingəçevir Olimpiya İdman Mərkəzində cərəyan edir. İdman məşqçisinin ailəsində baş vermiş faciə nəticəsində filmin qəhrəmanı onu əhatə edən insanlara, ümumiyyətlə, həyata yeni nəzərlə baxmağa başlayır.
Karlovı Varı Beynəlxalq film festivalı 1956-ci ildən fəaliyyət göstərir və FİAPF tərəfindən akkreditə olunub “A” səviyyəli 12 festivaldan biridir. Festivalın əsas mükafatı - “Büllur Kürə” ən yaxşı bədii filmə verilir.
Günel
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
