"Sabitlik pozulduqda inkişafdan söhbət gedə bilməz. Sabitlik inkişafın əsas şərtidir. Bu gün dünyada cərəyan edən təhlükəli proseslər fonunda Azərbaycan insanların təhlükəsizliyinin yüksək səviyyədə qorunduğu ən sabit ölkələrdən biri hesab olunur. Sabitliyin təmin olunmasında şübhəsiz ki, daxili işlər orqanlarının rolu danılmazdır".
Bunu Prezident Administrasiyasının Hüquq mühafizə orqanları ilə iş şöbəsinin müdiri Fuad Ələsgərov Daxili İşlər Nazirliyinin (DİN) Polis Akademiyasında polis işçilərinin peşə bayramı və 2013-2014-cü tədris ilinin buraxılışına həsr olunmuş təntənəli mərasimdə çıxışı zamanı deyib.
F.Ələsgərov prezident İlham Əliyevin adından Azərbaycan polisini təbrik edib. Təbrikdə polis orqanlarının 96 illik şanlı tarixi ərzində şərəfli yol keçərək dövlətçiliyimizin əsas dayaqlarından birinə çevrildiyi, müstəqillik və daxili sabitliyinin təmin olunmasında mühüm rol oynadığı qeyd edilib. Azərbaycan müstəqillik əldə etdikdən sonra daxili işlər orqanları cinayətkarlığa qarşı mübarizədə, ictimai asayişin qorunmasına qətiyyətli addımlar atıb. PA rəsmisi hər zaman ictimai asayişin və sabitliyin keşiyində dayanan və Vətənin müdafiəsində qurbanlar verən Azərbaycan polisinin əməyini yüksək qiymətləndirib.
O, polis işçilərini peşə bayramı münasibətilə təbrik edib və peşə fəaliyyətlərinin yerinə yetirilməsində uğurlar arzulayıb.
Biz də daxili işlər orqanlarında işləyənləri təbrik edirik. Hər nə qədər də polis bəzən tənqid hədəfinə çevrilsə də, onların xidmətləri danılmazdır. Bir necə gün ölkəni polissiz təsəvvür ermək belə mümkün deyil.
Qeyd edək ki, Azərbaycan Daxili İşlər Nazirliyinin yaradılmasından 96 il ötür. 1918-ci il may ayının 28-də öz müstəqilliyini bəyan etmiş Azərbaycan Xalq Cümhuriyyətinin milli hökumətinin tərkibində Daxili İşlər Nazirliyi yaradılıb.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
